कपन तिमीलाई शुभकामना : गंगा लिगल (कविता )

कपन अनलाइन

काठमाण्डौ ,मंगसिर ३०।

शुभकामनाको माला लगाउ
उज्वलताको सदा पाला जलाउ
जागरण ल्याउ सदाबहार ताको
जीवनलाई सदा कलामा लगाउ ।

माटोमा रातोपनाको सुवास देउ
प्रगतिको रसमय पाटो खुला गराउ
प्रत्येक कदम शुभको भागी बनाई
योग्यताको अतिउच्च कदर गराउ ।

जीवन उच्चताको लहर बनाउ
विश्वमै नेपाली नाम अमर बनाउ
सदा जीवन्त रहोस् नेपालीनाम
युगयुग यसलाई कीर्तिमय बनाई ।

निरन्तर प्रगतिशील पथ छान्नु
योग्यता सदा उच्च बनाईराख्नु
नव सृजनको मीठो आभास साथ
सदा अमरताको झन्डा लिएर बढनु ।

सम्पूर्णमा हार्दिक मङ्गलमय
शुभकामना छ ।

सहकार्य : कपन बानेश्वर साहित्यिक साप्ताहिक