गजल : विसुकुमार केसी

कपन अनलाइन

काठमाण्डौ ,मङ्सिर ९।

आफ्नो गति बढाएनौ भने तिमी गतिलो हुँदैनौ ।
मेरो बाटो छेकेर मात्रै त तिमी पहिलो हुँदैनौ ।

आफैलाई धार लाउनु आफैलाई तिखार्नु पर्छ ।
अरुको चुक्ली लगाएर मात्र त तिमी धारिलो हुँदैनौ ।

जराले भेटने गरि मल, माटोमा पो हाल्नु पर्दछ
टाउकामा मल हाल्छौ भने तिमी मलिलो हँुदैनौ ।

आफै बल्नु पर्छ आफैभित्र ज्योती जगाउनु पर्दछ
खाली घाम तापेर बस्दैमा तिमी तेजिलो हुँदैनौ ।

कठिन हुन्छ जिन्दगी जटिल हुन्छ्न सम्बन्धहरु,
जबसम्म तिमी अरुलाई पनि सजिलो हुँदैनौ ।

सहकार्य : कपन बानेश्वर साहित्यिक साप्ताहिक