रिलायन्स कलेजको आयोजना भएको रास्ट्रब्यापी निवन्ध प्रतियोगिताका विजेता घोषणा ,को को बने ?
कपन अनलाइन
काठमाडौं, असार २७ ।
रिलायन्स कलेजको आयोजना भएको रास्ट्र ब्यापी निवन्ध प्रतियोगिताका विजेता घोषणा गरिएको छ। काठमाण्डौ महानगरपालिका वडा नं ७ सरस्वति नगरमा रहेको कलेजले आयोजना गरेको सो प्रतियोगितामा ओखलढुंगा जिल्लाको लालीगुराँस सेकेण्डरी स्कुलका रोहन थापा प्रथम भएका छन।
देश भरका ६९५ जना एसईइ दिएका विद्यार्थीहरुको सहभागिता रहेको सो प्रतियोगितामा पुष्पलाल मेमोरियल मावी कपनसंगम कार्कीकीले दितीय स्थान प्राप्त गरेकी छन भने स्वर्ण शिक्षा सदन गोकर्णकी अनिशा श्रेष्ठले तृतीय स्थान हाशिल गरेकी छन।
त्यस्तै सो प्रतियोगितामा लोयल्टी एकेडेमी एकतावस्तीका मिङ्गमा शेर्पा ,बरुणेश्वर मावी ओखलढुंगाका सम्पूर्ण भुजेल ,श्री जनकल्याण मावी महांकालका समिर खनाल ,रिलायन्स एकेडेमी कपनका सुदिन कैनी ,सिर्जना बोर्डिंग स्कुल सिराहाका कृषा लामा ,पुष्पलाल मेमोरियल मावी कपनका आरजु अर्याल ,श्री विनायक सेकेण्डरी स्कुलका सुजिता घले ,हिमाल एकेडेमी काठमाण्डौका शारु आर्यन ,सगरमाथा इङ्गलिस बोर्डिंग स्कुल उदयपुरका प्रसन्न तामाङ र रामराज्य माध्यमिक विद्यालय गुल्मीकी अपेक्षा भण्डारीले सान्त्वना पुरस्कार प्राप्त गरेका छन।
उक्त प्रतियोगितामा प्रथम हुनेले नगद १५ हजार सहित पूर्ण छात्रवृति ,दितीय हुनेले नगद १० हजार सहित नौ महिनाको ट्युसन शुल्क र तृतीय हुनेले नगद ६ हजार सहित ६ महिनाको ट्युसन शुल्क निशुल्क हुनेहरी भर्ना शुल्कमा पूर्ण छुट सहित पुरस्कार पाएका छन।
त्यस्तै सान्त्वना पुरस्कार पाएका विद्यार्थीहरुले नगद २५ सय सहित विभिन्न छुट पनि प्राप्त गरेका छन ।
