सॉंखु जेसीज द्वारा वृक्षारोपण

कपन अनलाइन

काठमाडौँ असार  २८। शंखरापुर नगरपालिका वडा नं ८ भुल्वुमा वृक्षारोपण गरिएको छ। सॉंखु जेसीज सप्ताह २०२३ को दोस्रो कार्यक्रम अन्तर्गत उक्त क्षेत्रमा वृक्षारोपण गरिएको हो।  साँखु जेसिजले जानकारी गराएको छ ।

आज बिहान भएको उक्त  वृक्षारोपण कार्यक्रममा शंखरापुर नगरपालिका उप प्रमुख समिता श्रेष्ठ वडा नं ८ का वडा अध्यक्ष  पोते थिङ, वडा सदस्यहरु , प्रहरी प्रभाग साँखुका प्रमुख प्रहरी निरीक्षक फुलमाया घिसिङ,साँखु जेसीजको अध्यक्ष गणेश दुलाल, सहित आयोजक संस्थाका पदाधिकारी र स्थानीयको उपस्थितिमा करिब ७० वटा बिभिन्न प्रजातिका बिरुवा रोपिएको जेसी पवन श्रेष्ठले कपन अनलाइनलाइ जानकारी गराए।

वातावरण संरक्षणमा टेवा पुगोस् र रुख बिरुवाले प्रदान गर्ने अक्सिजन मानिसको जीवनसँग जोडिएको भएकाले प्रत्येक नागरिकले विरुवा रोप्ने बानीको विकास होस भन्ने उद्देश्य  सहित वृक्षारोपण गरिएको आयोजकले जानकारी गराएको छ  ।