काठमाण्डौ क्षेत्र नं ४ मा पुर्व रास्ट्रपति विद्यादेवी भण्डारीको सक्रियता …….
कपन अनलाइन
काठमाडौं, असार १५ ।
नेपालका पुर्व रास्ट्रपति विद्यादेवी भण्डारीले काठमाण्डौ क्षेत्र नं ४ मा सक्रियता बढाएकी छन।
असार १४ गते ७२ औ मदन जयन्तिका अवसरमा काठमाण्डौ क्षेत्र नं ४ मा रहेको बुढानिलकण्ठ नगरपालिका वडा नं ८ मा आयोजना गरिएको वृक्षारोपण कार्यक्रममा सहभागी भएकी भण्डारी हाल वडा नं २ चपलीमा बस्दै आएकी छन ।
वडा नं ८ को जगन्नाथ पार्कमा आयोजना गरिएको वृक्षारोपण कार्यक्रममा बोल्दै पुर्व रास्ट्रपति भण्डारीले गणतन्त्र नेपालको राष्ट्रपति जस्तो महत्वपूर्ण पदमा जनताको छोरीलाइ पुर्याउन काठमाण्डौ क्षेत्र नं ४ का जनताले महत्वपूर्ण भूमिका खेलेको बताएकी थिइन् ।
२०५० ,२०५१ र २०५६ सालमा यहि भूगोल समेटिएको क्षेत्रबाट प्रतिनिधि सभा सदस्यमा निर्वाचित बनेकी भण्डारी २०६४ सालको संविधान सभाको निर्वाचनमा पनि काठमाण्डौ क्षेत्र नं ४ मा उम्मेदवार रहेकी थिइन।
२०६४ साल देखि २०७९ साल सम्म लगातार चारपटक नराम्रो पराजय भोगेको नेकपा एमाले काठमाण्डौ क्षेत्र नं ४ मा पुर्व रास्ट्रपति भण्डारीको सक्रियतालाई निकै चासो पुर्वक हेरिएको छ।
