कागेश्वरी मनोहरा नगरपालिका-१ गागलफेदीबाट ४ केजी १ सय ४० ग्राम गाँजासहित २ जना पक्राउ
कपन अनलाइन
काठमाण्डौ ,असार १४ ।
कागेश्वरी मनोहरा नगरपालिका-१ गागलफेदीस्थित सातघट्टे चोकबाट अवैध लागूऔषध गाँजा करिब ४ केजी १ सय ४० ग्रामसहित २ जनालाई प्रहरीले पक्राउ गरेको छ ।
पक्राउ पर्नेहरूमा रातमाटे गाउँपालिका-४ घर भई काँडाघारी बस्ने ३९ वर्षीय अमर कुमार खत्री र सर्लाही घर भई काँडाघारी बस्ने २५ वर्षीया मनसुन पाण्डे रहेका छन् ।
अस्थायी प्रहरी विट गागलफेदीबाट खटिएको प्रहरीले प्र.३-०२-०१५ प ४४२९ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूको साथबाट उक्त गाँजा फेला पारी पक्राउ गरेको हो ।
तपाइँको प्रतिक्रिया ।
