बुढानिलकण्ठ-१२ मा अन्तर विद्यालय फुटसल प्रतियोगिता शुरु

कपन अनलाइन

काठमाण्डौ ,बैशाख २७।

बुढानिलकण्ठनगरपालिका वडा नं १२ मा अन्तर विद्यालय फुटसल प्रतियोगिता शुरु भएको छ। बुढानिलकण्ठ नगरपालिकाका प्रमुख मिठाराम अधिकारीले उक्त फुटसल प्रतोयोगिताको उदघाटन गरेका थिए।

बुढानिलकण्ठ नगरपालिका वडा नं १२ मा रहेका एक सामुदायिक र ८ निजि विद्यालयहरुको सहभागिता रहेको उक्त प्रतोयोगिताको उदघाटन कार्यक्रममा वडा सदस्यहरु मिना बयलकोटी ,ईश्वरी भट्टराई  ,वडा सचिव गीता ठगुन्ना सहित विभिन्न विद्यालयहरुका प्रधानाध्यापकहरुको उपस्थिति रहेको थियो।

वडा नं १२ का अध्यक्ष शम्भु प्रसाद भट्टराईको अध्यक्षतामा भएको उदघाटन कार्यक्रममा  सामुदायिक विद्यालयका तर्फबाट मोहन राई र निजि विद्यालयहरुका तर्फबाट समिर बास्तोलाले शुभकामना मन्तव्य राखेका थिए।

वडा नं १२ की सदस्य तथा नगरपालिकाको सामाजिक विकास समितीकी संयोजक शान्ता ढकाल पुडासैनीले संचालन गरेको उदघाटन कार्यक्रममा बोल्दै प्रमुख अतिथि नगर प्रमुख मिठाराम अधिकारीले बुढानिलकण्ठ नगरपालिकाले खेलकुदलाई प्राथमिकतामा राखेको बताउदै वडा नं १२ लाई प्रतियोगिता आयोजनाका लागि धन्यवाद दिएका थिए।

त्यस्तै कार्यक्रमका अध्यक्ष शम्भु भट्टराईले वडा नं १२ ले सामुदायिक र निजि विद्यालयहरुलाई समान अवसर प्रदान गरेको बताउदै युवा तथा विद्यार्थी केन्द्रित अन्य कार्यक्रमहरुलाई वडाले योजना तथा कार्यक्रममा समेट्ने धारणा राखेका थिए ।