बुद्ध जयन्ती सन्दर्भ : त्रिलोचन आचार्य (कविता )

कपन अनलाइन

काठमाण्डौ ,बैशाख २३ ।

शुध्द चित्तका
जैले पनि छन् ताजा
भाव बुध्दका ।

झुप्रा कुटिका
पीडा बुझे बुध्दले
दीन दुखिका ।

त्रिपिटकमा
भन्छन् बुध्द नलागौँ
हत्या हिँसामा ।

पञ्चशीलले
झुठो कुरा नगरौँ
भन्छ दिलले ।

जीवन चित्रले
मध्यपान नगरौँ
भन्छ सूत्रले ।

संघम् शरणम्
शील समाधि प्रज्ञा
बुध्दम् शरणम् ।

आँत एकै हो
विश्वभर सबैको
जात एकै हो ।

भर्न भकारी
भन्छन् बुध्द नगरेस्
चोरी चकारी ।

अनुराग र
सांसारिक चिन्तन
हुन्न निर्वाण ।

बौध्द स्तुपा
जय जय लैजाउ
सत्य समीप ।

सहकार्य : कपन बानेश्वर साहित्यिक साप्ताहिक