गोकर्णेश्वर – २ ले गर्यो अपांगता भएका ज्येष्ठ नागरिकहरुलाई सम्मान

कपन अनलाइन

काठमाडौं चैत्र ३ । गोकर्णेश्वर नगरपालिका वडा नं. २ ले सामाजिक सुरक्षा  भत्ता प्राप्त गर्ने पूर्ण र अतिअशक्त अपांगता भएका नागरिकहरुलाई सम्मान गरेको छ ।बुधबार वडा कार्यालयको सभाहलमा भएको कार्यक्रममा वडा अध्यक्ष मधु तामाङले प्रति व्यक्ति दैनिक प्रयोग हुने थर्मस, हटकेस लगायतका विभिन्न ७ थरी सामग्री  सहित सम्मान गरेका हुन ।

वडा  सदस्य माया तामाङको अध्यक्षता तथा वडा अध्यक्ष मधु तामाङको प्रमुख आतिथ्यतामा भएको कार्यक्रममा वडा सदस्यहरु कृष्णहरी श्रेष्ठ, सुनिल कुमार गिरी, सरस्वती सुनार, वडा सचिव रुक बहादुर श्रेष्ठ सहित स्थानियको उपस्थिति रहेको कार्यक्रम कर्मचारी केदार नेपालले  संचालन गरेका थिए । कार्यक्रममा  वडामा सुचिकृत पूर्ण र अतिअशक्त अपांगता भएका नागरिकलााई सम्मान गरिएको थियो ।

कार्यक्रममा बोल्ने वक्ताहरुले अपाङगता भएकाहरुको लागि वडाले बिभिन्न कार्यक्रम गर्दै आएको र आगामी दिनमा पनि गर्दै जाने बताएका थिए । अपाङगता भएका ब्यक्तिहरुको सम्मानमा सो कार्यक्रम राखेको जानकारी दिदै  अपाङ्गता भएका नागरिक प्रति स्थानीय सरकारले गर्नु पर्ने दायित्व पुरा गर्ने बताएका थिए ।