तेस्रो स्व. गोपाल श्रेष्ठ स्मृति नगर स्तरीय ब्याडमिन्टन प्रतियोगिताको क्वाटरफाइनलका खेलहरु सम्पन्न

कपन अनलाइन

काठमाडौँ, चैत्र ३। गोकर्णेश्वर नगरपालिका वडा नं ४ मा रहेको गोकर्णेश्वर युवा जागरण क्लब (GFG)  द्वारा  स्वर्गीय गोपाल श्रेष्ठको स्मृतिमा आयोजित  तेस्रो स्व. गोपाल श्रेष्ठ स्मृति नगर स्तरीय ब्याडमिन्टन प्रतियोगिताको क्वाटरफाइनलका खेलहरु सम्पन्न भएको छ। खेलको माध्यमबाट आपसी भाइचारा मित्रता र सामाजिक सदभाब कायम गर्दै वडा बाट प्रतिभावान खलाडी उत्पादन गर्ने उदेश्यका साथ भगवती ब्याडमिन्टन कोर्टमा  संचालित उक्त प्रतियोगिताको आज भएको पहिलो क्वाटरफाइनल खेल  दिनेश केसी र मोहन कृष्ण श्रेष्ठको जोडी संग गणेश श्रेष्ठ र बिरेन्द्र उप्रेतीको जोडी बीच भएको थियो ।निकै नै प्रतिस्पर्धात्मक भएको उक्त खेलमा गणेश श्रेष्ठ र बिरेन्द्र उप्रेतीको जोडीले दिनेश केसी र मोहन कृष्ण श्रेष्ठको जोडीलाइ २१-१५ र २१-१२ अंकको सोझो सेटमा पराजित गर्दै सेमिफाइनलमा प्रवेश गरेको छ ।

आज नै भएको अर्को क्वाटरफाइनल खेल निरज लामा र कपिल तिमिल्सिनाको जोडी संग कमल परियार र बिनोद राइको जोडी बीच भएको थियो। निकै नै प्रतिस्पर्धात्मक भएको उक्त खेलमा  निरज लामा र कपिल तिमिल्सिनाको जोडीले कमल परियार र बिनोद राइको जोडीलाइ २१-१३, १५-२१ र २१-१६ अंकको तेस्रो सेटमा पराजित गर्दै सेमिफाइनलमा प्रवेश गरेको छ । आजनै नै भएको अर्को क्वाटरफाइनल खेल  विजय कुमार श्रेष्ठ र विकेश श्रेष्ठको जोडी संग  श्रीकृष्ण कारंजित र पासाङ शेर्पाको जोडी बीच भएको थियो । उक्त खेलमा श्रीकृष्ण कारंजित र पासाङ शेर्पाको जोडीले  विजय कुमार श्रेष्ठ र विकेश श्रेष्ठको जोडीलाइ२१-११ र २१ ९ अंकको सोझो सेटमा पराजित गर्दै सेमिफाइनल प्रवेश गरेको छ  ।

 त्यस्तै आजनै भएको अन्तिम क्वाटरफाइनल खेल राजन श्रेष्ठ र राम हरि श्रेष्ठको जोडी संग जयराम श्रेष्ठ र धन बहादुर श्रेष्ठको जोडी बीच भएको थियो । प्रतिस्पर्धात्मक बनेको सो खेलमा राजन श्रेष्ठ र राम हरि श्रेष्ठको जोडीले जयराम श्रेष्ठ र धन बहादुर श्रेष्ठको जोडीलाइ २१-१५ र २१- १८ अंकको सोझो सेटमा पराजित  गर्दै सेमिफाइनलमा प्रवेश गरेको छ ।

फाल्गुन ५ गते सम्म चल्ने प्रतियोगितामा प्रथम दितिय र तृतिय हुने खेलडी ले नगद पुरस्कार सहित ट्रफि मेडल र प्रमाण पत्र प्राप्त गर्ने गोकर्णेश्वर युवा जागरण क्लब (GFG)का अध्यक्ष विकेश श्रेष्ठले कपन अनलाइन लाई जानकारी गराए।