टेक्सास  इन्टरनेसनल कलेजले स्वागत तथा अभिनन्दन कार्यक्रम सम्पन्न

कपन अनलाइन
काठमाडौं, फागुन २१।

टेक्सास  इन्टरनेसनल कलेजले स्वागत तथा अभिनन्दन कार्यक्रम सम्पन्न गरेको छ ।

अनुपम फुडल्याण्डमा आयोजित एक कार्यक्रमका बिच टेक्ससले बिबिएस र  बिएसडब्लु प्रथम वर्षका विद्यार्थीहरुलाई स्वागत गरेको छ भने  बिबिएस चौथो वर्षका विद्यार्थीलाई  अभिनन्दन सहित विदाई  गरेको हो।

टेक्सास इन्टरनेसनल एजुकेसन नेटवर्कका अध्यक्ष प्रा. डा. केशव कुमार श्रेष्ठको सभापतित्वमा सम्पन्न कार्यक्रममा आध्यात्मिक चिन्तक, पूर्वीय दर्शनका ज्ञाता चिन्तामणि योगी प्रमुख अतिथिका रूपमा रहेका थिए।

कार्यक्रममा त्रिभुवन विश्वविद्यालय मानविकी तथा सामाजिक शास्त्र संकायकी डिन प्रा. डा. कुसुम शाक्य विशेष अतिथिका रूपमा रहेकी थिइन्। त्यस्तै टेक्ससका ‘चिफ अफ एकेडेमिक्स’ प्रा. डा. गोविन्द प्रसाद आचार्य, सिइयो भेस राज पोखरेल, स्कुलका प्रधानाध्यापक श्याम सुन्दर श्रेष्ठ सहित विभाग प्रमुखहरू तथा अध्यापकहरूको उपस्थिति थियो।