लिटल मुन मावी बुढानिलकण्ठ-१२ को अभिभावक दिवस तथा सम्मान कार्यक्रम सम्पन्न

कपन अनलाइन

काठमाण्डौ ,माघ ८।

लिटल मुन मावीको अभिभावक दिवस तथा सम्मान कार्यक्रम सम्पन्न भएको छ। बुढानिलकण्ठ नगरपालिका वडा नं १२ मा रहेको विद्यालय प्रांगणमा भएको सातौ अभिभावक दिवसका अवसरमा विभिन्न व्यक्तित्वहरुलाई सम्मान समेत गरिएको थियो।

२०४४ सालमा स्थापना भएको लिटल मुन मावीले अभिभावक दिवसको अवसरमा चलचित्र निर्देशक ज्ञानेन्द्र देउजा , कलाकार ,गायक तथा संगीतकार शशी विक्रम थापा , कपन बानेश्वर साहित्यिक साप्ताहिकका निवन्ध आचार्य ,कपन अनलाइनका पुन्यराज पुडासैनी, विद्यालयका पुर्व विद्यार्थी पर्वतारोही पेम्बा शेर्पा ,पुर्व शिक्षिकाहरु गायत्री केसी र सृजना मैनालीलाई सम्मान गरेको हो।

विद्यालय संचालक समितिका अध्यक्ष रामकृष्ण केसीको अध्यक्षता र नेपाली कांग्रेसका महामन्त्री तथा काठमाण्डौ क्षेत्र नं ४ का प्रतिनिधि सभा सदस्य गगन कुमार थापाको प्रमुख आतिथ्यतामा भएको सो कार्यक्रममा विद्यालयका विद्यार्थीहरुले विभिन्न रचनात्मक प्रस्तुतिहरु दिएका थिए।