काठमाण्डौ ४ (२ ) का प्रदेस सभा सदस्य जयराम थापालाई बुढानिलकण्ठ नगरपालिकाको बधाई

कपन अनलाइन

काठमाण्डौ ,पुस २१।

बूढानीलकण्ठ नगरपालिकाले बुधबार भेटघाट कार्यक्रम आयोजना गरी नवनिर्वाचित बागमती प्रदेश सांसद माननीय जयराम थापालाई बधाँई तथा सम्मान गरेको छ ।

नगरपालिका प्रशासनीक भवनको कार्यालयमा आयोजित कार्यक्रममा नगर प्रमुख मिठाराम अधिकारी,  प्रशासकिय अधिकृत भुवनेश्वर लामिछाने सहित  जनप्रतिनिधि तथा  महाशाखा/शाखा प्रमुख तथा कर्मचारीहरुको उपस्थिति रहेको थियो ।

काठमाण्डौ क्षेत्र नं ४ (२ ) बाट   बागमती प्रदेशसभामा निर्वाचित थापालाई नगरपालिका प्रमुख मिठाराम अधिकारीले शुभकामना व्यक्त गर्दै नगरपालिकाको समृद्धि र विकास लक्षित नीति तथा कार्यक्रमहरुका वारेमा  जानकारी गराएका थिए  ।

कार्यक्रममा सांसद थापाले नगरपालिकाले दिएको सम्मान र सद्भावको कदर गर्दै प्रदेशस्तरीय विकास निर्माणका कार्य, प्राकृतिक स्रोतसाधनको संरक्षण, प्रादेशिक पूर्वाधार निर्माण तथा सार्वजनिक सेवा प्रवाहमा नगर र प्रदेशको साझेदारी र सहकारीता कायम राख्ने प्रतिवद्दता व्यक्त गरेका थिए  ।