जनकल्याण मावि विद्यालय व्यवस्थापन समिति गठन, को को बने ?

कपन अनलाइन

काठमाण्डौ , भाद्र २२ ।

जनकल्याण मावि काठमाण्डौ महानगरपालिका वडा नं ६ महाँकालको विद्यालय व्यवस्थापन समिति गठन भएको छ। विद्यालयका अभिभावक तथा सुभचिन्तकहरुको बृहत उपस्थितिमा भएको भेलाले विद्यालय व्यवस्थापन समिति गठन गरेको हो।

विद्यालय व्यवस्थापन समिति गठनका लागि भएको सो अभिभावक भेलामा काठमाण्डौ महानगरपालिका शिक्षा विभागका बरिस्ट विद्यालय निरीक्षक मोतीराज खनाल, श्रोत व्यक्ति यमनाथ चौलागाई,काठमाण्डौ महानगरपालिका वडा नं ६ का सदस्य देव रत्न बज्राचार्य ,विद्यालयकी प्रधानाध्यापक कुमारी कमला राई लगायतको उपस्थिति रहेको थियो ।

उक्त अभिभावक भेलाले विद्यालय व्यवस्थापन समितिको अध्यक्षमा दिलेन्द्र ढकाल चयन भएका छन भने सदस्यहरुमा मिनकुमार ज्योति ,सदस्य सागर कार्की र सीता श्रेष्ठ टण्डनलाई चयन गरिएको छ।

त्यस्तै सो अभिभावक भेलाले विद्यालय व्यवस्थापन समितिमा शिक्षक प्रतिनिधिका रुपमा सुरेश कुमार कटवाललाई छनौट गरेको छ ।