काठमाण्डौ-४ मा गगन थापालाई हराउने माओवादी केन्द्रका केन्द्रीय सदस्य कुमार बोगटीको दावी
कपन अनलाइन
काठमाण्डौ ,साउन २८।
नेकपा माओवादी केन्द्रका केन्द्रिय सदस्य कुमार बोगटीले पार्टीले टिकट दिएमा काठमाण्डौ क्षेत्र नं ४ मा नेपाली कांग्रेसका महामन्त्री गगन कुमार थापालाई हराउने दावी गरेका छन।
नेकपा(माओवादी केन्द्र) का युवा नेता तथा केन्द्रीय सदस्य कुमार बोगटीले काठमाडौंको निर्वाचन क्षेत्र नं ४ बाट प्रतिनिधिसभामा उम्मेदवारी दिने आकांक्षा ब्यक्त गर्दै पार्टीले टिकट दिए आफूले उम्मेदवारी दिएर विजयी हासिल गर्ने समेत प्रतिबद्धता ब्यक्त गरेका छन्।
२०५७ सालबाटै विद्यार्थी संगठनमा आबद्ध हुँदै राजनीतिक यात्रा सुरु गरेका बोगटीले सामाजिक संजालमा लेख्दै काठमाण्डौ क्षेत्र नं ४ को विकासका लागि आफुले उम्मेद्वारी दावी गरेको बताएका छन।
बोगटीले २०७४ मा मोहन बैद्य नेतृत्वको क्रान्तिकारी माओवादीको चुनावी मोर्चा देशभक्त जनगणतान्त्रिक मोर्चाबाट सिन्धुपाल्चोक क्षेत्र नं २ बाट निर्वाचन लडेका थिए।
म मुलधारमा अध्यक्ष कमरेडलाई सहयोग गर्न उद्धत छु भन्दै ओखलढुंगा जिल्लाका स्थायी बासिन्दा बोगटीले पार्टीलाई विजयी गराउन चुनाव लड्ने आकांक्षा ब्यक्त बताउदै काठमाण्डौ क्षेत्र नं ४ को विकास र परिवर्तनका लागि उम्मेद्वारी दावी गरेको जानकारी दिएका छन ।
