बैशाख १२ पछिको पैयाँटार
जेठ १६, काठमाडौँ ।
विनाशकारी भुकम्पछि काठमाडौँ बुढानिलकण्ठ नगरपालिका कपनको पुरानो वस्ती पैयाँटारका पुराना घरहरु भत्किएका छन् । कुनै मानवीय क्षति नभएतापनि भौतिक क्षतिले पैयाँटार अहिले क्षतविक्षत छ । त्यहाँका पुराना घरहरु ध्वस्त भए । पैयाँटार अहिले पुराना घरहरुका भग्नावशेषमा परिणत भएको छ ।
भग्नावशेष घरहरु हटाउन पैयाँटार वासीले राज्य कुरेनन् । किनभने भुकम्प गएको एक महिनासम्म पनि न राज्यको कुनै अंग, न कुनै संस्था, न कुनै राजनैतिक पार्टीका मानिसहरु पैयाँटारका भग्नावशेष हटाउन पुगे । त्यसैले पैयाँटारवासी अहिले आफैले करिब ४० प्रतिशत भग्नावशेष हटाईसके ।
यस विषयमा कपनअनलाइनले स्थानीय समाजसेवी राजेन्द्र बुढाथोकीसँग जिज्ञासा राख्दा उनले भने पैयाँटारमा अहिलेसम्म भत्केका घरका भग्नावशेष हटाउन कुनैपनि संघ संस्था, राजनैतिक पार्टी, प्रशासन वा कुनै आर्थिक सहयोग भएको छैन । सबै स्थानीय वासिन्दाले आफैले खर्च जुटाएर भग्नावशेष हटाउने कार्य गरिरहेका छन् ।
