बुढानिलकण्ठ -१० को अध्यक्ष दौडमा नेकपा माओवादी केन्द्रका शिव प्रसाद बजगाई

कपन अनलाइन

काठमाण्डौ ,बैशाख २४।

बैशाख ३० गते हुने स्थानीय तहको निर्वाचनमा बुढानिलकण्ठ नगरपालिका वडा नं १० को अध्यक्ष पदमा नेकपा माओवादी केन्द्रका शिव प्रसाद बजगाईले उम्मेद्वारी दिएर मैदानमा रहेका छन।

साविक कपन गाविसमा लामो समय राजनीतिक दलको प्रतिनिधिका रुपमा विकास निर्माण र सामाजिक सेवामा सक्रिय रहेका बजगाई अहिले वडा नं १० को घर दैलोमा रहेका छन।

नेकपा माओवादी केन्द्र बुढानिलकण्ठको नेतृत्वदायी तहमा रहेर राजनीतिक योगदान दिएका बजगाई नगरपालिकाको एक मात्र नमुना विद्यालय बाल उद्दार नमुना मावीका पुर्व व्यवस्थापन समितीका अध्यक्ष समेत हुन्।

वडा अध्यक्ष पदका उम्मेदवार बजगाई संगै खुल्ला सदस्य पदका उम्मेदवार बिबेक अधिकारी र जयनन्द धिमाल , महिला सदस्य पदका उम्मेदवार भागीरथा श्रेष्ठ र दलित महिला सदस्य पदका उम्मेदवार इन्द्रमाया सुनार मैदानमा रहेका छन।