नेकपा एमाले गोकर्णेश्वर -३ को चुनावी घरदैलोमा उत्साहजनक सहभागिता

कपन अनलाइन

काठमाडौँ, बैशाख २२ ।  बैशाख ३० हुने स्थानीय तहको निर्वाचन नजिकिँए सँगै नेकपा (एमाले)ले गोकर्णेश्वरले  चुनावी अभियानलाई तिव्रता दिएको छ । नगरका सबैजसो वडामा दैनिक भइरहेका चुनावी कार्यक्रममा नेता कार्यकर्ता र शुभेच्छुकहरुको उत्साहजनक उपस्थिति रहने गरेको हो ।

बिहिबार बिहान एमालेले  गोकर्णेश्वर ३ बालुवा बाट  घरदैलो कार्यक्रम गरेको छ । नेकपा एमाले पोलिटब्युरो सदस्य एबम काठमाडौं निर्वाचन क्षेत्र नं ३ का सांसद कृष्ण राइको उपस्थितिमा भएको घर दैलोमा नेकपा एमाले बाट नगर प्रमुखका उम्मेदवार उद्दब बिष्ट उप प्रमुखका उम्मेदवार सान्नानी लामा  वडा अध्यक्षका उम्मेदवार मुरारी कुइंकेल, वडा सदस्यका उम्मेदवार सचिन लामा, बुद्दी श्रेष्ठ, चित्रमाया वि .क, लक्ष्मी भण्डारी सहित स्थानीय नेता तथा कार्यकर्ताको  उत्साहजनक सहभागिता रहेको थियो ।वडा वडामा निर्वाचन परिचालन कमिटि बनाएर नेकपा एमाले चुनाबी प्रचार अभियानमा होमिएको हो ।

सुर्यमा छाप झ्याप झ्याप’ भन्ने नारासहित घरदैलोमा पुगेका थिए  गोकर्णेश्वर नगरपालिका वडा नं ३ सुन्ताखान बाट शुरु गरेको घरदैलो अभियान गोकर्ण बस्नेत गाउ, पौडेल गाउ कुमारी गाम्चा लगायतको क्षेत्रमा पुगेका उम्मेदवारहरुले  वडा तथा नगर बिकासको योजना र प्रतिबद्धता साथ घर चुनावी घरदैलो शुरु गरेका हुन ।उम्मेदवार सहित घर दैलोमा जाँदा स्थानीयले नेकपा एमालेका उम्मेदवारलाइ   स्वागत गर्दै मत  दिने प्रतिबद्धता ब्यक्त गरेको वडा सदस्यका उम्मेदवार बुद्दी बहादुर श्रेष्ठले  कपन अनलाइनलाइ जानकारी गराए  ।