नेकपा एमाले बुढानिलकण्ठको चुनावी गीत “सुर्य चिन्हमा” सार्वजनिक ( भिडियो सहित )
कपन अनलाइन
काठमाण्डौ ,बैशाख १८।
नेकपा एमाले बुढानिलकण्ठको चुनावी गीत सार्वजनिक भएको छ । बैशाख ३० गते हुने स्थानीय तहको निर्वाचन केन्द्रित गरेर आफ्नै चुनावी गीत सार्वजनिक गर्ने बुढानिलकण्ठ काठमाण्डौ जिल्लाको पहिलो नगर कमिटी बनेको छ।
नगरपालिकाका प्रमुख उपप्रमुख तथा वडाका जनप्रतिनिधिहरुको मनोनयन संगै प्रभावकारी र व्यवस्थित प्रचार अभियान चलाएको बुढानिलकण्ठ प्रचार प्रसार कमिटीले सार्वजनिक गरेको चुनावी गीतमा चर्चित गायक नवराज घोरासैनी ,गायिका आशा लामा ( ज्ञानमाला ) र वडा नं १२ मा खुल्ला सदस्यकी उम्मेदवार शान्ता ढकाल ( पुडासैनी ) को स्वर रहेको छ।
गायक घोरासैनीको शव्द तथा संगीतमा रहेको सो चुनावी गीतमा नगर प्रमुख पदका उम्मेदवार मिठाराम अधिकारी ,उपप्रमुख पदका उम्मेदवार अनिता लामा सहित १३ वडाका ६५ जना उम्मेदवारहरुको अभिनय रहेको छ।
हेर्नुहोस् नेकपा एमाले बुढानिलकण्ठको चुनावी गीत :
