टोखा ४ का समाजसेवी रमेश श्रेष्ठ बिशेष सेवा सम्मान २०७९ बाट सम्मानित

कपन अनलाइन

काठमाडौँ, बैशाख १२।  समाजसेवी रमेश श्रेष्ठ  बिशेष सेवा सम्मान २०७९ बाट सम्मानित भएका छन। टोखा नगरपालिका वडा नं ४ निवासी श्रेष्ठलाइ लामो समय देखि अत्यन्तै निष्ठा र समर्पणका साथ उद्योग शिक्षा र सहकारीका साथै समाजसेवामा निरन्तर सक्रिय रहदै राष्ट्रिय तथा अन्तर्राष्ट्रिय बिभिन्न शैक्षिक सहकारी, सेवामुलक तथा सामाजिक संघ संस्था मार्फत राष्ट्र विकास, सहकारी एबम शिक्षा क्षेत्रको विकास र सामाजिक सेवामा पुर्याएको योगदानको कदर गर्दै फोकस नेपाल संस्थाले नयाँबर्ष  तथा लोकतन्त्र दिवस २०७९ को अवसरमा नाचघर जमलमा आयोजित विशेष समारोहमा सम्माननीय उपराष्ट्रपति नन्द बहादुर पुन (पासाङ)ले बिशेष सेवा सम्मान २०७९ बाट  उनलाई सम्मान गरेका हुन।

लायन्स क्लब इन्टरनेसनलको सदस्य हुदै लायन्स क्लबको  बिभिन्न पदमा रहेर सामाजिक तथा मानवीय सेवामा संलग्न रहदै आएका श्रेष्ठले आउदो स्थानीय तहको निर्वाचनमा  माओवादी बाटटोखा नगरपालिका वडा नं ४ बाट वडा अध्यक्षमा  आकांक्षी समेत हुन ।सम्मानले भविष्यमा समाजसेवामा लाग्न थप प्रेरणा मिलेको भन्दै आयोजक संस्थालाइ धन्यवाद दिएका छन।