बुढानिलकण्ठका विद्यालयहरु भौतिक रुपमा संचालन गर्न पाउनुपर्ने माग

कपन अनलाइन

काठमाण्डौ ,माघ २१।

विद्यालय क्षेत्रमा सक्रिय रहेका विभिन्न संघ संस्थाहरुले बुढानिलकण्ठका विद्यालयहरु भौतिक रुपमा संचालन गर्न पाउनुपर्ने माग गरेका छन। माघ २० गते बुढानिलकण्ठ नगरपालिकाका प्रमुख उद्दव प्रसाद खरेललाई भेटेर ज्ञापन पत्र बुझाउदै माघ २३ गते आइतवार देखि भौतिक रुपमा विद्यालय खोल्ने वातावरण मिलाउन ति संघ संस्थाहरुले माग गरेका हुन्।

सो अवसरमा एन-प्याब्सन, प्याब्सन, पेट्सान र अपेनका प्रतिनिधिहरूले अबिलम्ब विद्यालयहरु भौतिक रुपमा संचालन गर्ने वातावरण बनाउन नगरपालिका समक्ष माग गर्दै ज्ञापन पत्र बुझाएका थिए।

यस्तै गोकर्णेश्वर नगरपालिकाले भने यहि माघ २३ गते बाट भौतिक रुपमा नै विद्यालय संचालन गर्न विद्यालय संचालकहरुलाई अनुमती दिएको छ ।