काठमाडौं उपत्यकामा आज (बुधबार) दिनभर मौसममा बदली हुने

कपन अनलाइन

काठमाण्डौ ,भाद्र ३०।

काठमाडौं उपत्यकामा आज (बुधबार) दिनभर मौसममा बदलीको अवस्था रहेको मौसमविदले जनाएका छन् ।
काठमाडौंमा छिट्पुट तथा सामान्य वर्षाको सम्भावना पनि रहेको उनको भनाइ छ । सात वटै प्रदेशमा आज मौसममा बदली रहने र सामान्य तथा मध्यम वर्षाको सम्भावना रहेको छ ।

आज दिउँसो देशभर सामान्य बदली रही बागमती, गण्डकी र सुदूरपश्चिम प्रदेशका केही र अन्य प्रदेशका थोरै स्थानहरुमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।

जल तथा मौसम पूर्वानुमान शाखाले दिएको जानकारी अनुसार राति देशभर सामान्य बदली रही लुम्बिनी प्रदेशका धेरै स्थानहरुमा तथा अन्य प्रदेशका थोरै स्थानमा मेघगर्जनर चट्याङसहित हल्कादेखि मध्यम वर्षाको सम्भावना रहेको छ ।