कवि अनिता लामालाई  साहित्य सन्ध्या पुरस्कार

कपन अनलाइन

काठमाण्डौ ,भाद्र १३।

कवि तथा सामाजिक अभियन्ता अनिता लामालाई  साहित्य सन्ध्या पुरस्कार प्रदान गरिएको छ  ।साहित्य सन्ध्या परिवारले ४१९औं विशेष श्रृङ्खलामा भर्चुअल कार्यक्रम मार्फत उनलाई ०७७ सालको साहित्य सन्ध्या पुरस्कारले सम्मान गरिएको हो ।

कवि लामाले २०५८ सालमा अनुरागु कविता संग्रह, २०७१ मा अर्पणु कविता संग्रह तथा २०७४ मा आतुङु कविता संग्रह प्रकाशित गरिसकेकी छन्।

त्यस्तै साहित्य सन्ध्यासँग जोडिएका २०७७ को साहित्य सन्ध्या सहभागिता पुरस्कार डा.राजेन्द्रप्रसाद अधिकारी, साहित्य सन्ध्या मन पुरस्कार डा। शेषराज आचार्य, साहित्य सन्ध्या हरिप्रिया हरिप्रसाद चापागाईँ, नियात्रा पुरस्कार प्रतिक ढकाल, साहित्य सन्ध्या कृष्णचन्द्र बालकुमारी पुरस्कार तथा सम्मान तिलबहादुर कार्कीले प्राप्त गरेका छन्।

सन्ध्याका अध्यक्ष राम विनयको अध्यक्षतामा सम्पन्न उक्त विशेष गोष्ठीमा प्रमुख अतिथिका रूपमा नेपाल प्रज्ञा प्रतिष्ठानका कुलपति गङ्गाप्रसाद उप्रेती रहेका थिए ।