अखिल नेपाल महिला संघ बुढानिलकण्ठको एक दिने प्रशिक्षण सम्पन्न
कपन अनलाइन
काठमाण्डौ ,भाद्र १३।
अखिल नेपाल महिला संघ बुढानिलकण्ठ नगर कमिटीको एक दिने प्रशिक्षण कार्यक्रम सम्पन्न भएको छ।बुढानिलकण्ठ नगरपालिकामा रहेको छहारी भवनमा निर्मला खड्काको अध्यक्षतामा भएको कार्यक्रममा अनेमसंघ केन्द्रिय कार्यालय सदस्य सरिता न्यौपानेले प्रशिक्षण प्रदान गरेकी थिइन्।
बुढानिलकण्ठ नगरप्रमुख उद्दव खरेल ,उपप्रमुख रमा राई , जिल्ला कमिटी सदस्य अनिता लामा , नगर अध्यक्ष प्रदिप डंगोल ,अनेमसंघ नगर इन्चार्ज देवी रेग्मी लगायतको उपस्थितिमा भएको सो प्रशिक्षण कार्यक्रममा केन्द्रिय सचिवालय सदस्य तथा जिल्ला इन्चार्ज रत्न गुरुङले अनेमसंघ र पार्टी इतिहास र केन्द्रिय सदस्य तथा जिल्ला संयोजक सरिता दाहालले संगठन व्यवस्थापन र बैठक सञ्चालन बिधि सम्बन्धि प्रशिक्षण प्रदान गरेका थिए।
नगर प्रमुख उद्वव खरेल, अनेमसंघ केन्द्रिय सदस्य सरिता निरौला तथा अनिता लामाले शुभकामना मन्तव्य दिएको उक्त प्रशिक्षणमा बुढानिलकण्ठका नेता तथा कार्यकर्ताहरुको सहभागिता रहेको थियो।
