बुढानीलकण्ठ स्कुलमा छात्रवृतिको लागि आवेदन खुल्यो ,साउन ३० गते प्रवेस परिक्षा

कपन अनलाइन

काठमाडौँ, श्रावण २१ ।

बुढानीलकण्ठ स्कुलमा गरिब तथा जेहेन्दार बालबालिकालाई छात्रवृत्तिमा अध्ययनको आवेदन खुला गरिएको छ ।  शिक्षा मन्त्रालयले प्रकाशित गरेको सूचना अनुसार कक्षा ५ देखि अध्ययनका लागि २०६७ वा ०६८ सालमा जन्म भइ कम्तीमा २ वर्ष अघिदेखि स्थानीय सामुदायिक विद्यालयमा नियमित रुपमा अध्ययन गरी शैक्षिक सत्र २०७७ मा कक्षा ४ अध्ययन पुरा गरेका छात्र–छात्राले बुढानीलकण्ठ स्कुल  साझेदारी कार्यक्रम अन्तर्गत आवेदन दिन सक्नेछन् ।

इच्छुक उम्मेदवारले बुढानिलकण्ठ  स्कुल वा शिक्षा विभागको वेबसाइटबाट फाराम डाउनलोड गरी आफूलाई पायक पर्ने परीक्षा केन्द्रमा परीक्षा सुरु हुनु अगावै बुझाउनुपर्नेछ । परीक्षा मिति साउन ३० गते शनिबार ११ बजेका लागि तोकिएको छ ।

उक्त प्रवेस परीक्षाको  इलाम, विराटनगर, हिले (धनकुटा), गाईघाट (उदयपुर), राजविराज, जनकपुर, लालबन्दी, कलैया, खुर्कोट, दोलालघाट, हेटौंडा, गोरखा, बेसीसहर, पोखरा, बेनी, बुटवल, घोराही, नेपालगन्ज, वीरेन्द्रनगर, चौरजहारी, जुम्ला, अत्तरिया र डडेलधुरामा चयन गरिएको छ । यस्तै काठमाडौंको हकमा बुढानीलकण्ठ स्कुलमै परीक्षा केन्द्र तय गरिएको छ।