शंखरापुर नगरपालिकालाइ जोय फाउन्डेसन द्वारा स्वास्थ्य सामाग्री सहयोग

कपन अनलाइन

काठमाडौं,जेठ २५ । शंखरापुर नगरपालिकालाइ जोय फाउन्डेसनले स्वास्थ्य सामग्री सहयोग गरेको छ,  नेपालमा  कोभिड १९को दोस्रो भेरियन्ट संक्रमण बढे संगै   संक्रमितको उपचारमा सहज होस्  भनेर  स्वास्थ्य सामग्री प्रदान  गरेको संस्थाले जनाएको छ । जोय फाउन्डेसनले मिलारपा मेडिटेशन सांखुमा Oxygen concentrators  ५ थान  नगरपालिका प्रमुख सुबर्ण श्रेष्ठलाइ एक कार्यक्रमका बीच हस्तान्तरण गरिएको हो।

सामग्री बुझ्दै नगर प्रमुख श्रेष्ठले विषम परिस्थितिमा गरेको सहयोगको लागि धन्यवाद दिएका थिए।उनले  कोरोना भाइरस को महामारीको बेलामा  समस्यामा परेका व्यक्तिलाई सहयोग गर्नु सबैको दायित्व हुने  भन्दै प्राप्त oxygen concentrator सहितका स्वास्थ्य सामग्रीले  कोरोना संक्रमितको उपचार गर्न सहज बिश्वास ब्यक्त गरेका थिए । उक्त कार्यक्रममा नगर उप प्रमुख शुक्रलक्ष्मी श्रेष्ठ, नगर प्रवक्ता हितमान तामाङ लगायतको उपस्थिति रहेको थियो ।