संविधान होइन अविश्वासको प्रस्ताव ल्याउने

१३ जेठ,काठमाडौ। बाहिर बाहिर संघियतामा कुरा नमिलेको दावी गरेपनि दलहरुले सत्तालाई नै  मुख्य विषय बनाएका छन्। संविधानका विवाद त केवल देखाउने दाँत रहेको प्रष्ट छ। विशेषगरी कांग्रेस र एमालेलाई अहिले संविधान बन्ला कि नबन्ला भन्दा पनि माओवादी सरकारमा भएकोमा खट्किएको छ । संविधानसभाबाट कसरी संविधान जारी गर्ने भन्दा पनि बाबुराम भट्टराईलाई प्रधानमन्त्री पदबाट कसरी हटाउने त्यसकाम समय खर्चदैछन् कांग्रेस र एमाले। संसद सचिवालयका एक गोप्य कोठामा बसेको कांग्रेसका चार वरिष्ठ नेताले संविधान होइन जेठ १४ अगावै बाबुरामलाइ कसरी राजिनामा दिन लगाउने भन्ने बारेमा चर्चा गरेको त्यहाँका एक कर्मचारीले बताएपछि कांग्रेसको पोल खूलेको हो।