नयाँ बस्ति युवा क्लब गोकर्णेश्वरमा आकस्मिक रक्तदान सम्पन्न
कपन अनलाइन
काठमाडौं, जेठ १६। कोरोना कहरका कारण जारी गरिएको निषेधाज्ञाले रगत अभाब भई उपचाररत बिरामीहरुलाई समस्या नहोस भन्ने उदेश्यले गोकर्णेश्वर नगरपालिका वडा नं ५ स्थित नयाँ बस्ति युवा क्लब परिसरमा शनिबार आकस्मिक रक्तदान कार्यक्रम सम्पन्न भएको छ। शनिबार नयाँबस्ती युवा क्लब र मानव अधिकार तथा शान्ति समाजको संयुक्त आयोजना तथा रक्त संचार केन्द्रको प्राबिधिक सहयोगमा स्वास्थ्य सुरक्षा मापदण्ड अपनाएर सुरक्षित तवर बाट आयोजना गरिएको उक्त आकस्मिक रक्तदान कार्यक्रममा ३४ जना रक्तदाताले रक्तदान गरेको मानबअधिकार तथा शान्ति समाजका इश्वर पुडासैनीले जानकारी गराए ।
छोटो समयको तयारी तथा अहिलेको प्रतिकुल अवस्थामा पनि स्थानीय तथा सामाजिक व्यक्तिहरुको सहयोगमा उक्त कार्यक्रम सम्पन्न भएको उनले बताए। कोरोना संक्रमणको जोखिम तथा निषेधाज्ञाको बिषम परिस्थितिमा समेत स्वतःस्फुर्त रुपमा सहभागि भई रक्तदान गर्ने सम्पूर्ण रक्तदाताहरुलाई आयोजकले धन्यवाद ज्ञापन गरेको छ ।कार्यक्रममा गोकर्णेश्वर नगरपालिका वडा नं ५ का वडा अध्यक्ष नारायण बहादुर सुवेदी, गोकर्णेश्वर नगरपालिका वडा नं ६ का वडा अध्यक्ष रमेश अर्याल लगायत आयोजक संस्थाका पदाधिकारी सहित रक्तदाताहरुको उपस्थिति रहेको थियो ।
