बागमती प्रदेशको उपनिर्वाचनमा पहिलो मत गृहमन्त्री राम बहादुर थापा बादललाई

कपन अनलाइन

हेटौडा ,जेष्ठ ६।

बागमती  प्रदेशमा रिक्त राष्ट्रियसभा सदस्य उपनिर्वाचनको मतदान सुरू भएको छ ।  हेटौडा को भुटान देवी मावी  मतदानस्थलमा पुगेका एमालेका उम्मेदवार गृहमन्त्री रामबहादुर थापा बादलले पहिलो मत पाएका छन  । बागमती प्रदेसका  मुख्मन्त्री डोरमणि पाैडेलले उनका लागि मत दिएर मतदान सुरूवात गरेका हुन् ।

दिउँसो ३ बजेसम्म हुने निर्वाचनलाई स्वच्छ, स्वतन्त्र, मर्यादित र विश्वसनीय ढङ्गबाट सम्पन्न गर्न निर्वाचन आयोग प्रतिबद्ध र क्रियाशील रहेको जानकारी दिदै  शान्ति सुरक्षा, स्वास्थ्य सुरक्षा मापदण्ड र अरु व्यवस्थापनका हिसाबले निर्वाचनको सम्पूर्ण तयारी पूरा भएको आयोगका प्रवक्ता राजकुमार श्रेष्ठले जानकारी दिएका छन  ।

उपनिर्वाचनमा वाग्मती प्रदेशसभा सदस्य ११० र वाग्मती प्रदेशअन्तर्गतका गाउँपालिका अध्यक्ष र उपाध्यक्ष तथा नगरपालिकाका प्रमुख र उपप्रमुख २३८ गरी ३४८ मतदाता छन् । निर्वाचनमा प्रदेशसभा सदस्यको ४८ र पालिका प्रमुख र उपप्रमुखको मतभार १८ कायम गरिएको छ । मतदातामध्ये प्रदेशसभा सदस्य पशुपति चौलागाईंको भने केही दिनअघि निधन भएको छ ।