गोठाटार स्वास्थ्य चाैकीबाट दोस्रो दिन २ सय ७५ जनाले चिनिया भेरोसेल खोपको दोस्रो डोज लगाए

कपन अनलाइन 

काठमाडौं जेठ ४ । कागेश्वरी मनोहरा  नगरपालिकामा जेष्ठ २ गते देखी काेभिड १९  विरुद्धको चिनियाँ भेरोसेल (दोस्रो मात्रा) खोप अभियान सञ्चालन भएको छ। कागेश्वरी मनोहरा नगरपालिका वडा नं. ९ मा रहेको गोठाटार स्वास्थ्य चौकीबाटआइतबार  सामाजिक दुरी कायम गरि  २ सय ९७ जनालाई दोस्रो चरणको भेरोसेल खोप लगाइएको थियो भने दोस्रो दिन जेठ ३ गते गोठाटार स्वास्थ्य चौकीबाट ११४ महिला र १६१ पुरुष गरी जम्मा २७५ जनाले भेरोसेल खोप लगाएको  नगर प्रमुख कृष्णहरि थापाले  जानकारी गराए ।

चैत २९ र ३० गते लगाएकाले जेष्ठ ३ गते उक्त खोप लगाइएको हो । चैत ३१ र बैशाख २ गते खोप लगाएकाले जेष्ठ ४ गते, बैशाख ३ र ४ गते लगाएकाले जेष्ठ ५ गते, बैशाख ५ र ६ गते खोप लगाएकाले जेष्ठ ६ गते दोस्रो डोज लगाउन सक्नेछन्।यस्तै, बैशाख ७, ८, ९ र १० गते पहिलो खोप लगाएकाहरुले जेष्ठ ७ गते, बैशाख ११ र १२ गते लगाएकाले जेष्ठ ८ गते, बैशाख १३ गते पहिलो डोज लिएकाले जेष्ठ ९ गते दोस्रो डोज लिन सक्नेछन्।त्यसैगरी बैशाख १४ गते पहिलो डोज लिएका व्यक्तिहरुले जेष्ठ १० र बैशाख १५ गते खोप लिएकाले जेष्ठ ११ गते दोस्रो डोज लगाउन सक्नेछन्। पहिलो डोजको खोप लिएकाहरुले बिहान १० देखि ४ बजेसम्म नजिकको खोप केन्द्रमा गएर खोप लिन सक्नेछन्।