ईश्वर पोखरेलले उपप्रधानमन्त्री पदको सपथ लिए

कपन अनलाइन

काठमाण्डौ ,बैशाख ३१।

शुक्रबार शीतलनिवासमा आयोजित कार्यक्रमबीच राष्ट्रपति विद्यादेवी भण्डारीले उपप्रधानमन्त्री पदको सपथ खुवाएकी हुन् ।

त्यस्तै, प्रधानमन्त्री ओलीले पुरानै मन्त्रिमण्डललाई निरन्तरता दिएका छन् । यसैगरी राष्ट्रपति भण्डारीले मन्त्रीहरुलाई समेत सपथ खुवाएकी छिन् ।
वैशाख २७ गते बहुमत गुमाएका ओली ठूलो दलको संसदीय नेताको रुपमा बिहीबार पुनः प्रधानमन्त्री नियुक्त भएका हुन् ।

राष्ट्रपति भण्डारीले बिहीबार राति ९ बजेसम्म दिइएको समयसीमाभित्र विपक्षी गठबन्धनले बहुमत पुर्याउन नसकेपछि राति १० बजे राष्ट्रपतिले ओलीलाई संविधानको धारा ७६(३) अनुसार प्रधानमन्त्री नियुक्त गरेकी थिइन् ।