गोकर्णेश्वर नगरपालिका वडा नं ६ को वडा कार्यलय भवन शिलान्यास
कपन अनलाइन
काठमाडौँ, चैत्र ३० ।गोकर्णेश्वर नगरपालिका वडा नं ६ को वडा कार्यलय भवनको शिलान्यास गरिएको छ । आइतबार नगर प्रमुख सन्तोष चालिसेले एक कार्यक्रमका बीच भुमिपुजन सहित उक्त भवनको शिलान्यास गरेका हुन्। भवन शिलान्यास कार्यक्रममा गोकर्णेश्वर नगरपालिका वडा नं ६ का वडा अध्यक्ष रमेश अर्याल ,नगर प्रवक्ता तथा वडा ८ का अध्यक्ष मनोज कुमार ढुंगाना , वडा ५ का अध्यक्ष नारायण बहादुर सुवेदी ,गोकर्णेश्वर नगरपालिका वडा नं ६ कि वडा सदस्य तुल्सा तिमल्सिना ,जगन्नाथ ढकाल , समाजसेवी दिपक लामा, नेपाल महिला संघ क्षेत्र नं ३ की सभापति लेखकुमारी पुडासैनी, नेपाली काङ्ग्रेस गोकर्णेश्वर नगर समितिका कोषध्यक्ष कुमार लामा, लगायत स्थानीयको उपस्थिति रहेको थियो ।
गोकर्णेश्वर नगरपालिका वडा नं ६ का सबैलाई पायक पर्ने स जोरपाटी सानोबजार नजिक बन्न लागेको बन्न भवन एक वर्ष भित्र सक्ने लक्ष्यका साथ काम अगाडी बढाउने जानकारी गराइएको थियो । करिब एक करोड ३० लाखको लागतमा बन्न लागेको सो भवन सांढे दुइ तलाको हुनेछ।कार्यक्रमलाइ सम्बोधन गर्दै नगर प्रमुख सन्तोष चालिसेले गोकर्णेश्वर नगरपालिकाले तीन वर्ष बिताउदै गर्दा ९ वटै वडा कार्यालय स्थापना गरिसक्ने र गोकर्णेश्वर नगरपालिकाको भवन बनाउने कार्य बढाउदै गर्दा तीन वटा वडाको लगातार रुपमा शिलान्यास कार्य सम्पन्न भएको जानकारी गराएका थिए। उनले गोकर्णेश्वर नगरपालिकाको ७ तले भवन जोरपाटी चोकमा निर्माण गरिने र त्यसको पनि चाडै शिलान्यास हुने जानकारी गराएका थिए ।
वडा कार्यलय भवन निर्माण भए पछि सेवा प्रवाह झनै प्रभावकारी हुने बताउदै ५ वर्ष भित्र ९ वटै वडा कार्यालयको आफनै भवन बनाउने लक्ष्य लिएको नगरपालिकाले लक्ष्य अगाडीनै सम्पूर्ण वडा कार्यालय बनिसक्ने जानकारी गराएका थिए। कार्यक्रममा सम्बोधन गर्ने वक्ताहरुले समयमानै गुणस्तरीय रुपमा कार्य सम्पन्न गर्न अनुरोध गरेका थिए ।
फोटो : आशिष तामाङ
