शंखरापुर-६ साँखुबाट मोटरसाईकल चोरी गर्ने पक्राउ

मोटरसाईकल चोरी गर्ने १ जनालाई मोटरसाईकल सहित ट्राफिक महाशाखाले  नियन्त्रणमा लिएको छ ।

सादा पोसाकमा खटिएको ट्राफिक प्रहरी टोलीले काठमाण्डौको शंखरापुर नगरपालिका वडा नं   ६, साँखुबाट बास्तविक नम्वर परिवर्तन गरि बा ९५ प ७९७६ नम्वरको रातो रङ्गको एनएस पल्सर मोटरसाईकल चलाई रहेको अवस्थामा साँगाचोकगढी-६,सिन्धुपाल्चोकका श्रीजर सेन्चुरीलाई मोटरसाइकल सहित नियन्त्रणमा लिएको महाशाखाका प्रमुख प्रहरी वरिष्ठ उपरीक्षक जनक भट्टराईले जानकारी दिएका छन  । उक्त मोटरसाईकलको वास्तविक नम्बर बा ९१ प १२२१ रहेको खुल्न आएको छ ।

उक्त पक्राउ भएका मोटरसाइकल यहि पुस १४ गते कोटेश्वर भाटभटेनीबाट हराएको भनी ललितपुर बस्ने सुजित महर्जनले हुलिया निवेदन यस महाशाखामा दिएका थिए ।

पक्राउ गरिएको व्यक्तिसहित उक्त मोटरसाइकललाई चोरी मुद्दाका अनुसन्धान कारबाहिका लागी महानगरीय प्रहरी बृत्त बानेश्वरमा पठाएको महाशाखाले जनाएको छ ।

पछिल्लो समय उपत्यकाको बिभिन्न स्थानहरूबाट चोरी भई हराएका मोटरसाईकल र चोरी गर्ने कार्यमा संलग्न व्यक्तिहरूको सूचना संकलन एवं निग्रानी राखी बिशेष कारबाही अभियान महाशाखाले चलाएको छ