छिमेकीद्वारा घाँटीमा छ्याप्प
कपन अनलाइन, २८ असार, २०७३
ताप्लेजुङका अलैँची व्यापारी फुरुम्बु १ का ४६ वर्षीय लालबहादुर खड्काको हत्या विश्वास गरेका छिमेकीकै योजनामा भएको खुलेको छ ।क्षेत्रीय प्रहरी विराटनगरको विशेष अनुसन्धान समूह र ताप्लेजुङ प्रहरीले तीन हप्ता अनुसन्धान गरेर तीन जना आरोपीलाई पक्राउ गरेपछि व्यापारी छिमेकीकै योजनामा भएको खुलेको हो ।
प्रहरीले हत्या अरोपमा फुरुम्बु १ मयम बस्ने ३२ वर्षीय हिमाल भन्ने सुरेश लेछार्वो (लिम्बू), २३ वर्षीय गोली भन्ने अर्जुन लेछार्वो (लिम्बू) र सोही स्थान बस्ने १८ वर्षीय सेनेपे भन्ने सन्दिप लेछार्वो (लिम्बू) लाई पक्राउ गरेको छ ।
ताप्लेजुङ नगरपालिका ४ मा डेरा लिई बसेका लालबहादुर खड्का २५ जेठ बिहान फुरुम्बु १ स्थित आफ्नो पुख्र्यौली घरमा मृत भेटिए । घटनालगत्तै क्षेत्रीय अनुसन्धान समूह विराटनगर र ताप्लेजुङ प्रहरीले सूक्ष्म अनुसन्धान गरी हत्यामा संलग्न उनीहरूलाई पक्राउ गर्न सफल भएको हो ।यसरी भएको थियो हत्या
फुङलिङ बजारमा डेरा लिएर अलैँची व्यापार गर्दै आएका खड्काको पुख्र्याैली घरमा पनि किराना पसल थियो । उनीसँग धेरै पैसा हुने लोभले स्थानीय युवाको समूहले केही दिनदेखि नै लुटपाट गर्ने योजना बनाएका थिए । खड्का घरमा आएको थाहा पाएपछि योजनाअनुसार २४ जेठ साँझ १० बजेतिर छिमेकी सन्दिप लेछार्वोसहितका युवा चामल किन्ने निहुँमा पसलमा पुगे । परिचित भएको नाताले खड्काले सहज रूपमा पसलको मूलढोका खोलेपछि लेछार्वोसहितले प्यासेजमा बसेर रक्सी पिए । सोही क्रममा मौका हेरेर दिएको उनले बताए । सन्दीप र सुरेशले खड्काको घोक्रोमा अँठ्याई मुख थुनी सुत्ने कोठामा पु¥याएका थिए ।
कोठामा कुटपिट गरी नगद तथा जिन्सी धनमाल राखेको ठाउँबारे सोधखोज गरेका र गोली भन्ने अर्जुन लोर्छावेले आफूसँग लुकाई लगेको धारिलो खुकुरीले पछाडि गर्धनमा रोपेर हत्या गरेको प्रहरीले बताएको छ । हत्यापश्चात् खड्काको गोजीबाट नगद, घरबाट जिन्सी धनमाल चोरी गरी सुरेश र गोली मूलढोकाबाट बाहिर भागेका थिए । सन्दीप भित्रबाट ढोकी थुनी पश्चिम तर्फको झ्यालबाट बाहिर निस्केर फरार भए । प्रहरीले हत्यामा प्रयोग भएको खुकुरी, फलामको रड, टर्चलाइट र घटनाको समयमा अभियुक्तले लगाएका पोसाकसमेत बरामद गरी परिक्षणका लागी केन्द्रीय विधि विज्ञान प्रयोगशालामा पठाइएको जनाएको छ । जनआस्था साप्ताहिक बाट साभार गरिएको ।
