बुढानिलकण्ठ -३ कैलाश कोलोनीको पहिचानका लागि रंगमा एकरुपता

कपन अनलाइन

काठमाडौं ,कार्तिक २८।

बुढानिलकण्ठ -३ कैलाश कोलोनीमा  पहिचानका लागि रंगमा एकरुपताका लागि समान रंग प्रयोग गर्ने वारे छलफल भएको छ।कैलाश कोलोनीलाई व्यवस्थित र सुविधा सम्पन्न बनाउनकालागि भएको अन्तरक्रिया कार्यक्रममा सो योजनाका वारेमा छलफल गरिएको थियो।

काठमाडौं क्षेत्र नं ५ (२) बाट निर्वाचित प्रदेस सभा सदस्य दिपक निरौला ,वडा नं ३ का अध्यक्ष बालकृष्ण श्रेष्ठ,वडा सदस्यहरु र स्थनीय विच भएको सो अन्तरक्रिया कार्यक्रममा आवासीय क्षेत्रका रुपमा रहेको कैलाश कोलोनीमा पूर्वाधार विकास र त्यहा देखिएका समस्याहरुका वारेमा अन्तरक्रिया गरिएको थियो।

अन्तरक्रियामा बोल्दै प्रदेस सभा सदस्य निरौलाले सो क्षेत्रमा देखिएका समस्याहरु समाधान गर्दै संघीय,प्रदेस र स्थानीय सरकारको समन्वयमा पहल गर्ने धारणा राखेका थिए भने कैलाश कोलोनिलाई आवासीय क्षेत्र अन्तर्गत राखेर व्यवस्थापन गर्नुपर्ने वडा अध्यक्ष बालकृष्ण श्रेष्ठको धारणा रहेको थियो।