लागु औषध १८०० एम्पुल सहित दुई पक्राउ
कपन अनलाइन
काठमाडौं कार्तिक २६ प्रहरीले लागु औषध १८०० एम्पुल सहित दुई पक्राउ गरेकाे छ । जिल्ला ट्राफिक प्रहरी कार्यालय बारा र जिल्ला प्रहरी कार्यालय बाराको ठिक बीच बाल मन्दिर अगाडी सडक खण्डबाट लागुऔषध सहित दुई जनालाई पक्राउ गरेकाे हाे ।
जिल्ला प्रहरी कार्यालय पर्सा बीरगंजले जिल्ला प्रहरी कार्यालय बाराकाे समन्वयमा म.न.पा.वडा नं.२५ मौजे सिर्सिया स्थित सडक खण्डबाट जिल्ला बारा कलैया उ.म.न.पा.वडा नं.९ रामपुर बस्ने बर्ष २० को रोशन साह कलवार र जिल्ला बारा कलैया उ.म.न.पा.वडा नं.९ रामपुर बस्ने बर्ष २९ को चन्दन प्रसाद कुशवाहालाई पक्राउ गरेकाे छ। प्रहरी टोलीले चेकजाँच गर्ने क्रममा लागु औषध फेनारगन ६०० एम्पुल, डाइजेपाम ६०० एम्पुल र नुर्फिन ६०० एम्पुल इन्जेक्सन गरी (जम्मा १८०० एम्पुल) बरामद गरेकाे छ ।
प्रहरीले उनिहरू सवार ना.२० प ६४२८ नम्बरको माेटरसाईकल सहित नियन्त्रणमा लिई लागु औषध नियन्त्रण ऐन २०३३ बमोजिम लागु औषध सम्बन्धी कसुर मुद्दा दर्ता गरी थप अनुसन्धान कार्य भइरहेको जिल्ला प्रहरी कार्यालय पर्सा बिरगंज जनाएको छ ।
