गोकर्णेश्वरको लायन्स आइसोलेसन केन्द्रका संक्रमितहरुले दशैको टीका लगाए

कपन अनलाइन

काठमाडौँ, असोज १२। गोकर्णेश्वर नगरपालिका द्वारा उपलब्ध गराइएको राष्ट्रिय सहिद तथा शान्ति पार्क,यज्ञडोल (जगडोल) सामुदायिक वनको स्वामित्वको  लायन्स आइसोलेसन केन्द्रमा दशैको शुभकामना आदानप्रदान सहित दशैको टिका लगाइएको छ ।

नेपालीहरुको महान चाड बडा दशैंको टिकाको दिनमा संक्रमीत भइ लायन्स  आइसोलेसमा बसिरहेका  ११ जना संक्रमितहरु मध्ये ज्येष्ठ संक्रमितले सबैलाई टिका जमरा लगाएर दशैँ  मनाएको आइसोलेसन सेन्टर कमिटिको प्रशासन उपसमिति संयोजक  माइ एल सी आइ एफ चिफ लायन रमेश लामाले कपन अनलाइनलाइ बताए ।हिन्दुहरुको यो महान चाड बडा दशै जस्तो समयमा कोभिड-१९ संक्रमित भै आफ्ना परिवारबाट अलग्गिएर आइसोलेसमा बस्नु परेको कारणले उनिहरुको  पिडा महसुस गरि संक्रमितहरुलाई दशैँ खल्लो नहोस र उनीहरुको मनोबल उच्च बनाउनलाई पनि लायन्स सदस्यहरुको सहजीकरणमा सो कार्यक्रम राखिएको  लामाले बताए।

फोटो उमेश ढुंगाना