प्रेट्रोलियम पर्दाथको मूल्य अझै घट्न सक्ने

कपन अनलाइन२०़७१, ममसिर १

अन्तर्राष्ट्रिय जगतमा पेट्रोलियम पदार्थको मूल्यमा अझै गिरावट आउने सङ्केत देखिएको छ । २०१५ सम्ममा फेरि पनि पेट्रोलियमको मूल्य घटेर आउने २९ भन्दा बढी राष्ट्रहरूमा अन्तर्राष्ट्रिय ऊर्जासम्बन्धी काम गरिरहेको संस्था आइएले जानकारी दिएको छ । अन्तर्राष्ट्रिय बजारमा पेट्रोलियम पदार्थको मागमा आएको कमीले केही समयअघि मात्र तेलको बजारभाउ ब्यारलको ८० अमेरिकन डलरभन्दा तल झरेको थियो । नवीकरणीय ऊर्जाहरूको प्रयोगमा दिइँदै आएको जोडले तेलको भाउमा असर गरेको आइ.ई.ए.ले जानकारी दियो । अन्तराष्ट्रिय बजारमा चारवर्ष यताकै पेट्रोलियम पदार्थको दर कम भएको बेला नेपालमा भने सार्वजनिक यातायातको भाडामा हेरफेर हुने कुनै छाँट देखिँदैन । पटक पटक गरेर मूल्य घट्दा समेत भाडा समायोजनमा सरकार र यातायात व्यवसायी मौन देखिएका छन् ।

अहिलेकै अवस्थामा चल्ने हो भने सन् २०१५ को आधासम्म पेट्रोलियमको मूल्य घट्ने कुरा एजेन्सीले प्रस्ट्यायो । पेट्रोलियम पदार्थको खानी राष्ट्रहरूको समूह (ओपेक) भने यसतर्फ कुनै चासो देखाएको छैन । २७ नोभेम्बरमा ओपेक राष्ट्रहरूको भेलामा यसबारे छलफल हुने बताइएको भएतापनि केही ओपेक राष्ट्रहरू भने यसलाई गम्भीरतापूर्वक लिएर जानुपर्ने बताइरहेका छन् ।