गोकर्णेश्वर ४ का ज्येष्ठ नागरिकलाइ पौष्टिक आहार वितरण

कपन अनलाइन

काठमाडौं ,असोज १३ ।गोकर्णेश्वर नगरपालिका वडा नं ४ मा ७० वर्ष भन्दा माथिका ज्येष्ठ नागरिकहरुलाई सम्मान स्वरुप पौष्टिक आहार वितरण गरेको छ। गोकर्णेश्वर नगरपालिका संगको सहकार्यमा वडा कार्यालयको आयोजनामा पौष्टिक आहार वितरण गरिएको हो ।

प्रत्येक वर्ष बिभिन्न कार्यक्रम आयोजना गरि ज्येष्ठ नागरिकलाइ सम्मान गर्दै आएको वडा  कार्यालयले कोरोना महामारीका कारण वडामा भिडभाड हुने देखिएर सामाजिक दुरी सहित भिडभाड कम गर्नको लागि  बिहिबार र शुक्रबार गरि दुइ दिन आयोजना गरिएको  थियो ।उक्त कार्यक्रमको शुभारम्भ नगर प्रमुख सन्तोष चालिसेको प्रमुख आतिथ्यमा  बिहिबार ज्येष्ठ नागरिकहरुलाई पौष्टिक आहार बितरण गरिएको थियो भने आज शुक्रबार गोकर्णेश्वर नगरपालिकाकि उप प्रमुख शान्तीनेपालको प्रमुख आतिथ्यमा बाँकी ज्येष्ठ नागरिकहरुलाई गरि कुल २३५ जनालाई  पौष्टिक आहार बितरण गरिएको वडा अध्यक्ष श्रीकुमार श्रेष्ठले जानकारी गराए।

पौष्टिकआहार अन्तर्गत काजु किसमिस बदम सहितको पौष्टिक  मसला, कन्फेल्क्स, ओट्स, रियलजुस,बिस्कुट लगायतको सामग्री वितरण गरीएको थियो ।वडा कार्यलयमा भएको सो कार्यक्रममा वडा अध्यक्ष श्रीकुमार श्रेष्ठ वडा सदस्य जयराम पुडासैनी ,वडा सदस्य उमा थापा, वडा सचिब नवराज सेन लगायत कर्मचारी र ज्येष्ठ नागरिकको  उपस्थिति रहेको थियो ।