बुढानिलकण्ठ ११ जगडोलको श्री जन जागृति मा बी परिसर सरसफाई

कपन अनलाइन

काठमाडौँ, असोज १६।  शुक्रबार बुढानिलकण्ठ नगरपालिका वडा नं ११ जगडोलको एक मात्र सामुदायिक बिध्यालय श्री जन जागृति माध्यमिक बिद्यालय परिसर सरसफाई गरिएको छ।

लामो समय देखि विश्व ब्यापी रुपमा फैलिएको कोरोना फैलन नदिनका लागी लक डाउन गरेसंगै  बन्द भएकोबिध्यालयको  परिसरमा अनावश्यक रुपमा पलाएका घाँस झार हटाइ सरसफाई गरिएको हो ।बिहान ७ बजे देखि ८ बजे सम्म बिध्यालय व्यवस्थापन समिति शिक्षक कर्मचारी, सुगम बचत तथा ऋण सहकारी संस्था तथा  कराते डोजोका प्रशिक्षार्थीहरु सहित स्थानीयको  उपस्थितिमा सरसफाई गरिएको हो।

नियमित रुपमा पठनपाठन हुँदा प्रत्येक हप्ता बिद्यालय शिक्षक बिद्यार्थी मिलेर सरसफाई गरिदै आएको सो बिद्यालय कोरोनाका कारण बन्द हुँदा  झार पलाएको थियो ।जगडोलको एक मात्र सामुदायिक बिद्यालयलाइ राम्रो बनाउने जिम्मा पनि समुदायको पनि रहेको हुँदा स्थानीयहरु मिलेर सरसफाई गरिएको बिध्यालय व्यवस्थापन समितिका अध्यक्ष श्यामराजा गौतमले बताए ।

बिद्यालयमा कहिले बाट भौतिक रुपमा  संचालन हुने टुंगो नभए पनि सरसफाई गरेर पठनपाठनको लागि तयारी अवस्थामा राखेको उनले बताए । उनले सरसफाईमा सहयोग गर्ने सबैलाई बिध्यालय परिवारको तर्फ बाट धन्यबाद दिएका छन ।विद्यालयले हाल बैकल्पिक प्रणालिबाट विद्यार्थी शिक्षण सिकाइ बिधि अनुरुप अनलाईन तथा अफलाईन कक्षा संचालन गरिराखेको छ ।