पछिल्लो २४ घन्टामा एक हजार ३१३ संक्रमित थपिए

कपन अनलाइन

काठमाडौं ,असोज ९।

देशभर नोभेल कोरोना भाइरसका थप एक हजार ३१३ संक्रमित  थपिएका छन। स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमका अनुसार पछिल्लो २४ घण्टामा देशभर एक हजार ३१३ संक्रमित थपिएका हुन् ।

देशभर आजसम्म सक्रिय संक्रमितको संख्या १८ हजार २८९ रहेको छ ।पछिल्लो २४ घण्टामा एक हजार ४५५  जना देशभरका विभिन्‍न अस्पतालबाट डिस्चार्ज भएका छन् । त्यसैगरी हालसम्म ५१ हजार ८६६ जना डिस्चार्ज भएका छन् । हालसम्म डिस्चार्ज हुने दर ७३ दशमलव ४ प्रतिशत रहेको छ ।

पछिल्लो २४ घण्टामा देशभरका प्रयोगशालाहरुमा १२ हजार २६२ जनाको पीसीआर परीक्षण गरिएको छ । आजसम्म ९ लाख ६५ हजार २८४ जनाको पीसीआर परीक्षण गरिएको छ ।