श्रीमतीको हत्या गरेको आरोपमा चम्पादेवी -८ का गिरी पक्राउ

कपन अनलाइन

काठमाडौं ,भाद्र १९।

श्रीमतीको हत्या गरेको आरोपमा  चम्पादेवी गाउँपालिका वडा नं. ८ का वर्ष ४० का केशब भनिने यज्ञ बहादुर गिरी पक्राउ परेका छन  ।

चम्पादेवी गाउँपालिका वडा नं. ८ साविकको बिलन्दु  गाविसको धुसिने भन्ने स्थानमा गत भदौ १४ गते गिरीका श्रीमती गंगा खत्री (गिरी) मृत फेला परेकी थिईन् ।

घटना भएको  अघिल्लो दिन श्रीमतीले अत्याधिक मदिरा सेवन गरेको भन्ने थाहा पाएकोले आफु लिन गएको र श्रीमतीलाई घर लैजान खोज्दा नमानेपछि स्थानीय मेघनाथ घिमिरेको मान्छे नबस्ने घरमा सुताएर आफु घर गएको बताउदै आएका छन् । तर विहान उठेर श्रीमतलाई छाडेको ठाँउमा जाँदा मृत भेटिएको मृतकका पति गिरीले बताएका छन् ।

अघिल्लो दिन श्रीमान् श्रीमती दुवै सगै रहनु, श्रीमतीलाई एक्ले मान्छे नबस्ने घरमा छाडेर जानु र भोली पल्ट मृत भेटिनु संकास्पद रहेको भन्दै मृतकका दाजुले प्रहरीमा जाहेरी दिएका थिए । मृतकका दाजुले जाहेरी दिएपछि मृतकका श्रीमानलाई  नियन्त्रणमा लिई आवश्यक अनुसन्धान गरिरहेको जिल्ला प्रहरी कार्यालय ओखलढुङ्गाका प्रहरी निरीक्षक मिलनसिंह बस्नेतले जानकारी दिएका छन  ।