लायन्स तथा लियो क्लबको आकस्मिक रक्तदान कार्यक्रम गोकर्णमा सम्पन्न

कपन अनलाइन

काठमाडौँ, भाद्र १३। लायन्स क्लब इन्टरनेसनल डिस्ट्रिक ३२५ ए१ अन्तर्गतको लायन्स क्लब तथा लियो क्लब अफ काठमाडौं गोकर्णेश्वर सहितका ६ वटा क्लबले संयुक्त रुपमा आकस्मिक रक्तदान कार्यक्रम सम्पन्न गरेको छ ।

विश्व ब्यापी रुपमा फैलिएको कोरोना भाइरस माहामारी नियन्त्रणका लागि सरकारले लागु गरेको निषेधाज्ञाको कारण रक्त संचार केन्द्रमा भएको  रगत अभाबलाइ परिपूर्ति गर्न सहयोग पुगोस भनेर भाद्र १२ गते शुक्रबार गोकर्णेश्वर युवा उपकर क्लब भवन गोकर्णमा लायन्स तथा लियो क्लब अफ काठमाडौं गोकर्णेश्वर सहित लायन्स क्लब अफ काठमाडौं गुप्ती गणेश, लायन्स क्लब अफ काठमाडौं बागमती नर्थ, लायन्स तथा लियो क्लब अफ सिम्रिक लायन्स क्लब अफ काठमाडौं एकेडेमिक, लायन्स क्लब अफ काठमाडौं डाँफे र लायन्स क्लब अफ काठमाडौं मनहराको आयोजनामा सुरक्षित तवरले बिहान ९ :३० बजे देखि शुरु भएको सो रक्तदानमा २८ पिन्ट रगत संकलन भएको आयोजकले जानकारी गराएको छ।

विषम परिस्थितिमा पनि रक्तदान गर्ने सबैलाई आयोजकले धन्यवाद दिएको छ  ।