मादक पदार्थ सेवन गरी प्रहरीलाई दुर्व्यवहार गर्ने ४ जना नारायणटारबाट पक्राउ

 कपन अनलाइन

काठमाडौं ,भाद्र ८। मादक पदार्थ सेवन गरी प्रहरी माथि दुर्व्यवहार गर्ने ४ जनालाई जोरपाटी नारायणटारबाट पक्राउ परेका छन।

प्रहरीलाई दुर्ब्यवहार गरेको अभियोगमा अर्घाखाँची भुमिकास्थान गाउँपालिका-८ घर भई हाल नयाँबानेश्वर बस्ने १९ वर्षीय रमेश कुमार विक सहित  ४ जनालाई आइतबार राति  प्रहरीले पक्राउ गरेको हो।

गोकर्णेश्वर नगरपालिका-८ नारायणटार पुलमा महानगरीय प्रहरी वृत्त बौद्धबाट खटिएको प्रहरीलाई जाँच गर्ने क्रममा मादक पदार्थ सेवन गरी बा.४८ प ५६५४ र प्रदेश नम्बर-३-०२-०१५ प ६२२९ नम्बरको मोटरसाइकलमा सवार उनीहरूले प्रहरीमाथि नै हातपात र ढुङ्गा प्रहार गरेका थिए।

प्रहरीलाई  दुर्व्यवहार गर्ने उनीहरुलाई  महानगरीय प्रहरी वृत्त बौद्धमा राखिएको छ।