चण्डेश्वरी-विष्णुमति बैकल्पिक सडक निर्माण हुने
कपन अनलाइन
काठमाडौं ,भाद्र २/आरजु खडका
बुढानिलकण्ठ नगरपालिका वडा नं ४ स्थित चण्डेश्वरी देखि विष्णुमति सम्म सडक निर्माण हुने भएको छ । यस अघि निर्माणाधीन रहेको बुढानिलकण्ठ-चण्डेश्वरी जोड्ने सम्पदा मार्ग संगै चपली चोक वडा नं ४ हुदै चण्डेश्वरी सम्म बैकल्पिक सडकका रुपमा निर्माण हुन् लागेको सो सडकको स्थलगत निरीक्षण गरिएको छ।
बागमती प्रदेस सरकार र बुढानिलकण्ठ नगरपालिकाले समपुरक बजेट अन्तर्गत निर्माण गरिने यस सडकका लागि १ करोड ९८ लाख रुपैया बजेट बिनियोजन गरिएको छ।
चण्डेश्वरी क्वाटोल हुँदै विष्णुमति सम्मसडक विस्तार गरी ८ मिटर कायम गर्नका लागि बागमती प्रदेश सभा सदस्य दीपक निरौलाको संयोजनमा ,वडा नं ४ का अध्यक्ष राजु खड्का , प्राविधिक तथा स्थानीय सरोकार वालाहरुको भेलाले राजाराम खड्काको अध्यक्षतामा ९ सदस्यको ‘बाटो निर्माण सरोकार समिति ‘ गठन गरिएको छ।
सो भेलामा उपस्थित स्थानीयहरुले सडक ८ मिटर कायम गरेर निर्माण हुनुपर्ने स्थानीयहरुको सुझाव रहेको उक्त भेलाले सडक निर्माणका लागि सर्वेक्षण शुरु गर्ने निर्णय गरेको थियो।
(आरजु खडका सुशासन र समृद्धिका लागि संचार अभियानकी प्रशिक्षार्थी पत्रकार हुन् )
