टोखा नगरपालिका वडा नं ७ मा अत्यावस्यक बाहेकका सेवा बन्द,जमघट गर्न निषेध
कपन अनलाइन
काठमाडौं ,भाद्र १ /जय न्यौपाने
टोखा नगरपालिका वडा नं.७ ले साउन २८ गतेदेखि २१ दिनसम्म वडा भित्र अत्यावश्यक सेवा बाहेकका अन्य गतिविधि तथा कुनैपनि क्रियाकलाप गर्न निषेध गरेको छ।
टोखा नगरपालिका वडा नं ७ का अध्यक्ष नरोत्तम रानाले जारि गरेको सूचनामा कोभिड-१९ समुदायमा थप संक्रमण फैलिन नदिन विभिन्न गतीविधि निषेध गरिएको उल्लेख छ।
वडा भित्र गर्न नपाइने गतिविधिहरू:
– खुल्ला स्थानमा मानिसहरू भेला जम्मा हुन,भिडभाड गर्न र सभाजुलुस गर्न।
– भिडभाड हुने गतिविधि जस्तै जात्रा र महोत्सव गर्न।
– उद्योग व्यापार/व्यवसाय अन्तर्गतका स्वास्थ्य मापदण्ड विपरीतका क्रियाकलापहरू गर्न।
– चाडपर्व लगायतका धार्मिक सांस्कृतिक कार्यका लागि हुने जमघटहरू ।
– शैक्षिक संस्थाहरू संचालन गर्न
– सबै प्रकारका सभा, गोष्ठी, तालिम, सिनेमा हल, पार्टी प्यालेस,मनोरञ्जन,शैलून,ब्यूटी पार्लर,स्पा,स्वीमिङ्ग पुल,जिमखाना ,समूहमा खेलिने खेल,पुस्तकालय,संग्राहलय,चिडियाखाना संचालन गर्न।
– फुटपाथ,खुल्ला ठाउँ र ठेलागाडा ,साइकलमा संचालन हुने विभिन्न व्यवसाय,कवाडी संकलन गर्न।
– उद्योग व्यवसाय संचालनका लागि स्वास्थ्य मापदण्ड विपरीत श्रमिक कामदारको ओसार पसार गर्न।
– टेक वे बाहेक होटल/रेस्टुराँ संचालन गर्न नपाइने।
वडाले उपलव्ध गराउने सेवाहरु :
१.विपद व्यवस्थापन तथा कोरोना नियन्त्रण कार्य
२.आपतकालीन सेवा
सुचना :
कोरोना संक्रमण बढ्दै गएको अवस्थामा सचेतना र सजगता आवस्यक रहेको भन्दै वडा अध्यक्ष रानाले सानो लापर्वाहिले ठुलो विपत्ति निम्त्याउने भन्दै सुरक्षा मापदण्डको पालना गर्न अपिल गरेका छन।
(जय न्यौपाने सुशासन र समृद्धिका लागि संचार अभियानका प्रशिक्षार्थी पत्रकार हुन् )
