सागमा दुई स्वर्ण विजेता मण्डेकाजी श्रेष्ठलाई नगद पाँच लाख सहित सम्मान

काठमाडौं ,साउन १५।

 १३ औ  साग खेलकुदमा नेपालको तर्फबाट पहिलो स्वर्ण पदक बिजेता एवम् नेपाललाई दुई स्वर्ण पदक दिलाउन सफल सितोरियो कराँतेका  खेलाडी मण्डेकाजी श्रेष्ठलाई  नगद पाँच लाख सहित सम्मान गरिएको छ।

राष्ट्रिय युवा संघ नेपालका नेता रमेश आचार्यको प्रमुख आतिथ्यता र  धादिङ जिल्ला फुटवल संघका अध्यक्ष दिपक खतिवडाको समन्वयमा हस्तान्तरण गरिएको सो सहयोगको व्यवस्थापन कर्मा कन्स्ट्रक्सनका प्रोप्राइटरतथा गुड विल बिल्डर्सका प्रमुख कार्यकारी अधिकृत  कराँतेका पुर्व राष्ट्रिय खेलाडी रबि महर्जनले गरेका थिए।

ललितपुरको भिमान्ता होटलमा भएको सहयोग हस्तान्तरण कार्यक्रममा गजुरियो कराँतेका केन्द्रीय कोषाध्यक्ष एवम् मदन भण्डारी स्पोर्ट्स एकेडेमी धादिङका अध्यक्ष रमेश अधिकारी ,नारायणी स्टीलका प्रमुख कार्यकारी अधिकृत  रोशिद उनिथान र स्थानीय समाजसेवी युनश डंगोल लगायतको उपस्थिति रहेको थियो।

तपाइँको प्रतिक्रिया ।