कागेश्वरी मनहरा नगरपालिकाको विपद व्यवस्थापनमा नगर प्रहरीहरु सक्रिय हुदै

कपन अनलाइन

काठमाडौं, श्रावण ५ ।कागेश्वरी मनहरा नगरपालिकामा विपद व्यवस्थापन कार्यमा नगर प्रहरीहरुले सक्रियता देखाएका छन । कागेश्वरी मनोहरा नगरपालिकाको ग्रामिण भेगमा बर्षा लागे संगै पहिरोको जोखिम न्यूनीकरण गर्नको लागि नगर प्रहरीहरुले  विपदका घट्नाको पूर्व तयारी अनुरुप प्रतिकार्य योजनालाई अद्यावधिक गर्दै आएका छन। जसलाई स्थानीयले पनि साथ दिदै आएका छन् ।

आइतबार नगर प्रहरी तथा स्थानीयको सक्रियतामा कागेश्वरी मनोहरा नगरपालिका वडा नं ७ मा पहिरोको जोखिम रहेको स्थानमा रोकथामको लागि प्लास्टिक ओछ्याउने लगायतको कार्य गरेका थिए भने नगर प्रहरीले कागेश्वरी मनोहरा नगरपालिका वडा नं ५ मा खुट्टा भाँचिएकी एक महिलालाई अस्पताल पुर्याउन सहयोगी भूमिका खेलेका थिए।