जनताको माझमा कागेश्वरी मनोहरा नगरपालिका प्रमुख कृष्णहरि थापा

कपन अनलाइन  

काठमाडौँ श्रावण ४ । कागेश्वरी मनोहरा नगरपालिकाका प्रमुख कृष्णहरि थापाले टोल टोलमा मेयर अभियानका साथ टोल टोल पुगिरहेका छन  ।

 श्रावण १ गते देखि ९ गते सम्म प्रत्येक वडा टोल टोलमा पुग्ने कार्यक्रम अनुसार  आज श्रावण ४  गते आइतबार वडा  अध्यक्ष भाइकाजी अधिकारी  र वडा सदस्यहरु सहित कागेश्वरी मनोहरा नगरपालिका वडा नं ४ डाँछीमा भएका विकास निर्माणको निरीक्षण गर्नुको साथै स्थानीय संग भेटघाट छलफल गरेका थिए भने  स्थानीयवासीका गुनासाहरु समेत  सुनेका थिए ।

निर्वाचन दौरानमा प्रमुख थापाले जनता संग गरेको प्रतिबद्धतालाइ पुरा गर्नको लागि जनताको माझमा पुगेका हुन् । आफ्नो पांच बर्षे कार्यकालको दौरान तीन वर्ष सम्म नगरपालिकाको दीर्घकालीन योजना तथा प्रशासनिक नीतिगत र कानुनी पूर्वाधार निर्माण गर्न केन्द्रित भएका नगर प्रमुख जनताको माझमा पुगी भए गरेका काम प्रगती र आगमी दिनमा गर्न पर्ने योजनाको बारेमा समेत छलफल गरेका थिए। उक्त कार्यक्रममा नगरपालिका उप प्रमुख बिन्दु पुडासैनी सिंखडाको पनि उपस्थिति रहेको थियो । यस अघि उनले कागेश्वरी मनोहरा नगरपालिका वडा नं १ र २ का टोलमा भएका विकास निर्माणको स्थलगत अनुगमन गरेका थिए ।