काठमाडौं महानगरपालिका- ३ का अध्यक्ष दिपक केसीलाई “कोरोना डिफेन्स अवार्ड २०२०”

कपन अनलाइन

काठमाडौं ,साउन २।

काठमाडौं महानगरपालिका वडा नं ३ का अध्यक्ष दिपक केसीलाई “कोरोना डिफेन्स अवार्ड २०२० ”  सम्मान प्रदान गरिएको छ । कोरोना प्रकोप नियन्त्रण तथा रोकथाम अभियानमा अग्रमोर्चामा रहेर सक्रिय रहेका केसीलाई गन्तव्य नेपालले सम्मान गरेको हो।

काठमाडौं महानगरपालिका वडा नं ३ मा जनप्रतिनिधिका रुपमा स्थानीय जनताको सेवामा  सक्रिय रहेका केसी लगायतका व्यक्तित्वहरुलाई  पुर्व प्रधानमन्त्री डा .बाबुराम भट्टराईले सम्मान गरेका थिए।

कोभिड -१९ का कारण भएको लकडाउनमा संक्रमण रोकथाम ,सचेतना र राहत वितरणमा योगदान पुर्याएर मानव सेवा गरेका सक्रिय व्यक्तित्वहरुको कामको सम्मानका लागि सो अवार्ड प्रदान गरेको आयोजक संस्थाले बताएको छ।